حالياً التوصيات في علاج درجة الحرارة المرتفعة عند الأطفال بتقول إن
أدوية خوافض الحرارة هي الأهم والأساس في تخفيض درجة حرارة الطفل , وإن
الكمادات دورها ضعيف جدا , هي مجرد بس بتبرد الدم بشكل مؤقت ولمدة نص ساعة ,
بعد كدة لو الطفل مكنش واخد خوافض حرارة درجة حرارته هتعلى تاني بعد ساعة
زي الأول , عشان كدة الأساس هو الإلتزام بوصف الطبيب لخافض الحرارة ,
والكمادات ممكن استخدامها في الدرجات العالية اللي هبقى عاوز أنزل حرارتها
بسرعة شوية بس نبقى عارفين إنها مبتنزلش الحرارة الأصلية لأ هي بتنزل شكل الحرارة من برة بس مؤقتا .
الدوائين المسموح بيهم في الأطفال كخوافض حرارة هما مركبات الباراسيتامول
والإيبوبروفين , عشان كدة متديش طفلك اللي أصغر من ست سنين خوافض حرارة من
أي نوع تاني وأشهرهم (( لبوس دولفين )) ده ممنوع في اللي أصغر من سنين
وأأمن حاجة ليهم هما الاتنين اللي قولنا عليهم
كمان ممنوع تخففي الطفل من هدومه ولا تزودي في هدومه عشان تظبطي درجة حرارته , دي عادة خاطئة .
ومش تيجي من نفسك لو لقيتي ابنك درجة حرارة عالية فتديله خافض حرارة وخلاص
, الحرارة في الأصل عرض مش مرض .. فلازم الأول ندور أيه المرض الداخلي
اللي خلى درجة الحرارة تعلى كدة عشان نعالجه .. عشان منبقاش بنضحك على
نفسنا وندفن راسنا بالرمل لما ننزل درجة الحرارة وهي أصلا كانت علامة في
صالحنا بتقولنا إلحقوا فيه مشكلة في الجسم , فلازم فحص من الطبيب .
